Ekkert slabb en fullt af kóki.
Ég hef sigrað heiminn með því að komast inná tilveruna og fólkið er stórhrifið þar. Geir Ólafsson sagði meiri segja " ef þetta blogg væri barborð þá mundi ég ekki tíma dansa á því".

Með þessum umsvifum hef ég sagt skilið við mitt fyrra líf og tekið mér upp að vera viðbjóðslega hrokafullur með fulla vasa af kókaíni.
Ég var t.d. að labba niður í bakarí í dag þegar ég mætti risastórum slabbpolli og það er ekki séns að nýi Kolbeinn fari að bleyta á sér tærnar útaf einhverjum skitnum brauðleif. Svo sá einn gamlann ruglaðan ráðavilltan prest og spurði hvort hann væri að gera eitthvað sérstakt, hann sagði nei svo ég sparkaði frekar fast frekar ofalega í bakið á honum svo hann datt með andlitið í slabbið. Ég labbaði svo yfir smettið á grátandi prestinum, horfði á Gæjann bankastjórann sem var einhvað að hneykslast á þessu svo ég öskraði á hann "Veistu hver ég er, veistu hver ég er, ég er Kolkall III og ég mun drottna yfir barnabarnabörnum þínum".
Svo fór ég að Kóka meira og meira og kóka enn meira og á endanum varð ég svo ruglað að ég vissi ekki að mér fyrr en ég var kominn á flugbrautina og ætlaði mér að fara í spyrnu við fokkerinn, öskrandi að ég væri guð veðurs og vinda og að ég mundi sjá til þess að allir í vélinni mundu farast. Og þá kom löggan og svæfði mig með fíladeyfibyssu.

Ég held bara hreinlega að kókaín fari ekkert vel í mig svo ég er hættur þessu veseni og orðinn gamli Kolbeinn aftur.

Verið meðvituð!

Kynjamisrétti!
Ég skammast mín ekkert mikið fyrir að segja ykkur að þegar ég var lítill þá hafði ég gaman að því að klæðast kjólum, já kjólum.
Það merkir ekkert að ég sé einhver skápa-hommi, ég hafði líka gaman að því að láta loka mig inní ferðatöskum og það gerir mig ekki að neinum skápa-laumufarþega.
Þetta var bara vegna þess að ég var ungur uppreisnaseggur sem vildi jafnrétti kynjanna, því það er ósanngirni að stelpur fengu að ganga í kjólum, pilsum og kjólum en strákar bara í bara í buxum og aðeins ein þjóð í pilsum. Samt fá karlmenn að ganga í pilsum í dag þökk sé Arnari Gauta og Einari Erni en ekki enn í kjólum án þess að vera við karlmann kenndur.
Ég heimtaði meira segja að fá að fara einu sinni í kjól í jólaboð en af einhverri ástæðu þá fékk ég ekki samþykki mömmu minnar.
En seinna þá þá komst ég að því að ég gæti bara farið sem kvennmaður á grímuböll og gerði það fyrst í einhveri úti sumargrímugöngu þar sem allir kölluðu mig Kolbeiníu og hlóu en ég vildi samt vera frekar vera kölluð Kolbrún. Teknar voru myndir af þessu en vinir míni voru svo snjallir að skemma eina eintakið mitt en ég heyrði samt að það væri til annað heima hjá Þórunni okkar Markann.
Svo fór ég sem kona aftur í 6. bekk, svo sem indjánkonan Pocahontas í 7. bekk svo í dragshowi í 10. bekk og svo minnir mig að ég hafi fengið að leika konu í leikriti í leikskóla.
Ég meina hver samdi þessar reglur pælið í því ef gaurinn sem fann upp fyrstu skóna hefði sagt "þetta er bara fyrir karla" pælið í því þá væru allar konur labbandi um á táslunum en við karlmennirni erum bara ekki svo grimmir, svo stelpur deilið kjólunum. Flott mál.

Ástæðan afhverju ég kalla þetta upp núna er því að Eddarína systir mín var með eitthvað svona fegrunarsléttimíkingarskorpudót í andlitinu og ég vildi líka fá svoleiðis til að verða sætur og ég fékk það og nú er ég með þetta framan í mér og er á góðri leið að verða sætur.


Lifi byltingin brennum brýrnar!